သူငယ်ချင်းကို မပေးဖြစ်တဲ့စာ

သူငယ်ချင်း

 

မင်းရဲ့မြို့လေးမှာ အလျှံတညီးညီး သာနေတဲ့  လရောင် အကြောင်း ဒီ့ထက်ပိုပြီး  ငါမဆွေးနွေးပါရစေနဲ့ ။ ငါ နားထောင်ခဲ့သမျှ ၊ ပြောဖူးသမျှက မုန်းလောက်အောင် လုံလောက်ပြီးခဲ့ပြီ။ အဲဒီ့ လရောင်ရဲ့ ခိုးကြောင်ခိုးဝှက် ပိုင်ဆိုင်မှုတွေအကြောင်း  ဝင်ပြီးအထုတ်ဖြည် ပြရလောက်အောင်တော့ ငါသတ္တိမရှိဘူးဆိုတာ ရှင်းမပြပါရစေနဲ့တော့ကွယ် ။ ဒါပေမဲ့ …. အဖြူ ၊ အမည်း မသဲကွဲတဲ့ မျက်ကန်းတက်ကြွသူတစ်ယောက်ကို ငါပြောင်ပြောင်တင်းတင်း ကန့်ကွက်တယ်။

 

သူငယ်ချင်း

 

မင်းအတွက် လရောင်ဟာ မှန်တစ်ချပ်ဆိုရင် မင်းမြင်သမျှ လရိပ်ဟာ အမှန်ချည်းပဲပေါ့။ ဒါနဲ့များ ငါက မင်းထုတ်ပြီးသားအဖြေကို ပုစ္ဆာလုပ်ပြီး ဝိုင်းတွက်ချက်ပေးရဦးမတဲ့လားကွယ်။ မြေပုံမှတ်တိုင်ထူပြီးသား သင်္ချီုင်းရာပေါ်မှာ ငိုကြွေးသလိုမျိုး ၊ သွားလေသူအတွက်အသုံးမဝင်တော့တဲ့ နည်းလမ်းနဲ့ပေါ့။ နှစ်မြို့ချင်စရာ မကောင်းတော့တဲ့အထိ ရောက်အောင်တော့လည်း    ငါ့ရဲ့သွေးကို ကြောင်တောင်တောင် ဖြစ်ခွင့်မပေးပါနဲ့ကွယ်။

 

သူငယ်ချင်း

 

ခိုပြာတွေ ၊ လေရူးတွေကြား  ငါတို့ ဖြတ်လျှောက်ဖူးခဲ့ပြီပဲ ။ သေခြင်းတရားထက် အခံရခက်တဲ့အရာဟာ သိက္ခာကျခြင်းဆိုတဲ့အကြောင်း  သိသင့်တာထက် ငါတို့ပိုသိကြတယ်။ အခုနေအခါမှာ “မင်းအာရုံကို လငပုတ်ဖမ်းထားပြီ” လို့ အပြန်အလှန် တံခါးပိတ် ၊ ခြံစည်းရိုး ခတ်မိအောင် ငါကများ  စွပ်စွဲသင့်လို့လား ။ ငါကြားသမျှ မင်းနဲ့ပတ်သတ်တာတွေဟာ ပြန်ထွက်လမ်းမရှိဘဲ ၊ ငါ့ရင်ထဲမှာပဲ မွန်းကြပ်ပိတ်လှောင်နေရပြီ ။ ဒီတစ်ကြိမ်တော့ဖြင့် … မင်းဖမ်းဆုပ်လိုက်တဲ့ ယုံကြည်မှုနဲ့ ငါစွဲကိုင်ထားတဲ့ လိပ်ပြာကြား ရေခဲမြစ်တွေ တိမ်မယောင်နဲ့ နက်ခဲ့ပေါ့ ။

 

သူငယ်ချင်း

 

တစ်ကမ္ဘာလုံး ဆူညံပေါက်ကွဲနေတာထက် ငါတို့ကြားက အသံတိတ်နံရံတွေက ပိုဆိုးရွားကျယ်လောင်ဦးမလား ။ပုဂ္ဂိုလ်ရေးမေးခွန်းတွေကို ဦးစားမပေးသင့်တဲ့အကြောင်း ငါတို့မေ့ချင်ယောင်ဆောင်မိမှာလည်း စိုးတယ်။ ငြိမ်းချမ်းရေးအရောင်းအဝယ်တွေ တိုက်စားလာတဲ့ မြစ်ကြမ်းပြင်မှာ မင်းရေးနေတဲ့  သံလွင်ခက်နဲ့ချိုးဖြူငှက်ကလေးအကြောင်းထဲ ယမ်းနံ့နဲ့ကြက်ခြေတံဆိပ်   ခပ်နှိပ်မထားတာတော့ သေချာပေါက်ဂုဏ်ယူတယ်။ ဒါပေမဲ့ … မင်းကို သူတို့ပြောပြတဲ့ ရပ်တည်ချက်အစစ်အမှန်တွေကြားမှာ ကိုယ်ကျိုးရှာမရိုးသားမှုရဲ့ မျက်နှာဖုံးတွေ ရောကြိတ်မထားပါဘူးလို့  အာမခံလာမှ  ငါလေးစားဖြစ်ပါ့မယ်။

 

သူငယ်ချင်း

 

တစ်ခါဖူးမှ မရူးဖူးခဲ့တဲ့ ဇာတ်ဝင်ခန်းမျိုးကို ကခုန်ပျော်ရွှင်ဖို့ ဘာကြောင့်များ မင်းစတင်ရွေးချယ်ခဲ့သလဲ ။ ဆင်ခြေဆင်လက်ဟာ လရောင် ပါလို့ပြောရအောင်တော့ မင်းဟာ ရေအိုင်ကလေး မဟုတ်ဘူးကွယ် ။ မင်းပြေးချင်တဲ့လမ်းမှာ လိပ်နေတဲ့ ခွာရာတွေကို သဲလွန်စ မရှာဘဲ ငါမြင်နေရတာက ကျိန်စာလား ။ တလွဲဆံပင်ကောင်းချင်တာနဲ့ပဲ ဝံသာနုစိတ်ကို  ထည့်မတွက်တော့ဘူးတဲ့လား ။ ငါမှားတာက မှားတာပဲ ထားပါဦး ။ မင်းရဲ့မွေးဖွားလာခဲ့ခြင်းဟာ မိုးခါးရေသောက်ပြီး ပြဇာတ်ကရုံလောက်အတွက် မဟုတ်ဘူး ဆိုတာတော့  ငါယုံကြည်နေဦးမယ်။

 

သူငယ်ချင်း

 

ငါဟာ ဆုတောင်းခြင်း အလေ့အထကို ဘယ်တုန်းကမှ ဝါသနာမထုံခဲ့ဖူးပါဘူး ။ ဒါပေမဲ့ ဆုတောင်းရုံကလွဲလို့ ဘာတစ်ခုမှ မတတ်နိုင်တော့တဲ့ အခုလို  အပေါစားရာသီမျိုးမှာ မင်းမြို့တော်က လရောင်ကြီး ရေခံမြေခံကောင်းပါစေလို့ ငါဆုတောင်းဖြစ်တယ်။ သန်းခေါင်ထက်ပိုနက်မယ့် ညဥ့်ကို ကျော်ဖြတ်တဲ့အခါ မင်းမြို့တော်မှာ မီးခိုးရောင် ညတစ်ည ဖြစ်မလာပါစေနဲ့ပေါ့ကွယ်။

 

သူငယ်ချင်း

 

မင်းပျံချင်သလိုသာ ပျော်ပျော်ကြီး ပျံသန်းပါ ။ ဒီလိုမျိုး တစ်ခါမှ မကြုံခဲ့ဖူးဘူးလို့ မင်းပြောဖူးတာပဲ မဟုတ်လား ။ ဒါဟာ မင်းရဲ့ မွေးရာပါ အခွင့်အရေးလည်း ဖြစ်ပါရဲ့လေ ။ မုန်တိုင်းတွေ ကြုံတဲ့အခါ မင်းအတောင်တွေ ပိုလိမ္မာပါးနပ်လာမှာပေါ့ ။ ဒါပေမယ့် …. ဥပဒေ စာအုပ်ထဲမှာ မပါတဲ့ သိမ်မွေ့နက်ရှိုင်းတဲ့ကျင့်ဝတ် တစ်ခုအပေါ် ဂရုမစိုက်သလိုတော့ မပျံသန်းနဲ့ပေါ့ကွယ်။ မင်းနင်းသွားတဲ့လမ်းမှာ တစ်ဖက်သားရဲ့ ဘဝကို ချမခင်းမိရင် ၊ မျိုးနွယ်တူတွေရဲ့ ပျော်ရွှင်မှုကို ဖြိုမချမိရင် ၊ မင်းလိပ်ပြာခုံရုံးကြီးမှာ အသန့်ရှင်းဆုံး

ဖြစ်တော့မပေါ့ ။ ဘယ်နည်းနဲ့ပဲဖြစ်ဖြစ် … မင်းဟာ ငါတွေ့ဖူးသမျှထဲမှာ အကောင်းဆုံးတစ်ယောက်ဆိုတဲ့အကြောင်း ငါလေးလေးနက်နက် ပြောပြချင်သေးတယ်။ ဒါပေမဲ့လေ… ရှေးရိုးစွဲ နည်းနည်းဆန်တဲ့ငါက မင်းရဲ့ခေတ်နဲ့အညီ ပြောင်းလဲမှုကို အသိခေါက်ခက် ၊ အဝင်နက်မိတယ် ။

 

သူငယ်ချင်း

 

ငါ့ကို အပြစ်တင်ပါ ၊ စိတ်ဆိုးပါ ၊  စိတ်ပျက်ပါ ၊ မေ့ပစ်ပါ ။ မင်းလျှောက်တဲ့လမ်းကို အားမပေးနိုင်ခဲ့တဲ့အတွက် အပြစ်ရှိတဲ့အကြောင်း သိပါရဲ့ကွယ် ။ ဆက်လျှောက်ပါ ၊  ပျော်ရွှင်ပါ ၊

အောင်မြင်ပါ ။ တစ်နေ့နေ့ တစ်ချိန်ချိန်မှာ ပုခုံးတစ်ဖက် ၊ နားရွက်တစ်စုံ လိုအပ်တဲ့အခါ ၊ မင်းမှာရှိတာနဲ့ မလုံလောက်ဘူးထင်တဲ့အခါ ၊ ငါ့ကိုခေါ်လိုက်ရင် ဖြစ်ပါရဲ့ကွယ် ။ တို့အားလုံးအတွက် ရိုးသားခြင်းဟာ ပထမဆိုရင် မင်းလုပ်သမျှ ရိုးသားမယ်ဆိုတာ ရဲရဲဝံ့ဝံ့ ငါအာမခံ နေမှာပေါ့ ။ ဘာကြောင့်ဆိုမင်းဟာ ( ဒီကိစ္စကလွဲရင် ) ဘယ်တော့မဆို ငါ့ဘက်က ရပ်တည်ခဲ့သူ၊ ငါ့အတွက် အကောင်းဆုံးသူ  တစ်ယောက်လေ။

 

 

ငြိမ်းငြိမ်းပြည့်

အောက်တိုဘာ ၂၃ ၊ ၂၀၁၂

ည ၂း ၂၃ နာရီ

Advertisements

လှည်းတန်းညရဲ့ အတွေးတစ်စ

ငွေကြယ်တို့ စွန့်ခွာပစ်ပယ်ထားသော ကောင်းကင်ပြင်ကျယ်ကို သူက နက်ပြာရောင် ကင်းဗတ်စတစ်ချပ် အဖြစ် မြင်သည်။ ထိုအဆီးအတားမဲ့ ကင်းဗတ်စပေါ်တွင် ပုံရိပ်ပေါင်းများစွာ ကခုန်လာအောင် အတွေးလက်တံတို့ဖြင့် ရေးခြစ်ရသည်ကို သူပျော်သည်။ ည၏တိတ်ဆိတ်ငြိမ်သက်မှုသည်ပင် သူ့ကိုယ်ပိုင်ပန်းချီကားချပ်၏ အသက်ဝင်မှုဖြစ်ပြန်၏။

 

 

ညသည် သူအကြိုက်ဆုံးစာအုပ်တစ်အုပ် ဆိုပါလျင် အတောမသတ်နိုင်သည့် နီလာရောင်ကောင်းကင်ပြင်ကျယ် ကြီးသည် သူသဘောကျရွေးချယ်မည့် ဇာတ်အိမ်တည်နေရာပင် ဖြစ်လိမ့်မည်။ သူရေးဖတ်ရမည့်ဇာတ်လမ်းမှ ဇာတ်ကောင်တို့အကြောင်းကို ပုံဖော်မိတိုင်း မျက်ဝန်းတစ်စုံကို ဖျပ်ခနဲသတိရတတ်သည်ကတော့ လူမသိသူမသိ ထုံးတမ်းစဉ်လာတစ်ရပ် ဖြစ်ခဲ့ပြီ။ မျက်ဝန်းကြည်ကြည်လေးတွေနှင့် ထိုတစ်စုံတစ်ယောက်သည် သူဘယ်တော့မှ ရေးခြယ်ပုံဖော်ဖြစ်မည်မဟုတ်သော ကောက်ကြောင်းမဲ့ပန်းချီကားသာ ဖြစ်ခဲ့သည်။ ထိုကြည်လင်နေသည့် မျက်နက်ဝန်းစိုစိုလေးများသည် သူဘယ်တော့မှ နှုတ်မြွတ်ဖွင့်ဟဖြစ်မည်မဟုတ်သော သူ၏ အသံမဲ့ဘာသာစကားသာ ဖြစ်ခဲ့သည်။

 

 

မြင်နေရသောကောင်းကင်၏ နက်ရှိုင်းလျှို့ဝှက်ခြင်းကဲ့သို့ပင် သူနှင့်ထိုမျက်ဝန်းကြား သံယောဇဉ်သည် ပွင့်လင်းမြင်သာစွာ နက်နက်နဲနဲ အမြစ်တွယ်ခဲ့ဖူး၏။ သိုသိုသိပ်သိပ်နိုင်သော ညတစ်ည၏ ဟာလာဟင်းလင်း ကောင်းကင်ကဲ့သို့ပင် ထိုမျက်ဝန်းတစ်စုံကို သူ ဗလာသက်သက် နင့်နင့်သီးသီး မြင်ယောင်လွမ်းမိပါသည်။

 

ငယ်ငယ်တုန်းဆီက ဘာမှန်းမသိ ကြောက်ခဲ့ဖူးသော အမှောင် နှင့် ညကို သူအခု သစ္စာရှိရှိ ချစ်တတ်ခဲ့ပြီ။ ညသည် သူ၏အကောင်းဆုံးသူငယ်ချင်းဖြစ်၍ အမှောင်သည် သူ့ကို နားလည်မှုအပေးနိုင်ဆုံးသော ရင်ဖွင့်ဖက်တစ်ယောက် ဖြစ်မှန်း သူသိရှိလာခဲ့သည်။ လက်ဆုပ်လက်ကိုင်ပြ၍ မရသော သူ့ဆီမှ ဝမ်းနည်းအထီးကျန်ခြင်းများစွာကို ညကောင်းကင်ကြီးက ဆွဲယူဖျောက်ဖျက်ပေးတတ်ခဲ့၏ ။ ည၏ကောင်းကင်မှ နေ၍ သူရှာဖွေတွေ့ရှိလာသော ပိုင်ဆိုင်မှုများက စကောတစ်ချပ်၏ ဇောက်ထက်တော့ အများကြီးပိုနက်ပါသည်။

 

 

မည်းမှောင်မှောင်ညကောင်းကင်တွင် သူ့ကိုယ်သူ ပြန်ရှာတွေ့ချိန်တိုင်းသည် ငယ်ဘဝ၏ လေပြေချိုအေးကို သူလင်းလင်းချင်းချင်း ပြန်ရှုရှိုက်ရချိန်များဖြစ်တတ်၏။ သမားရိုးကျ အတ္တတို့ဖြင့် နာဖျားပူလောင်နေတတ်သော နေ့ကာလများနှင့် သူ့ညသည် အမှန်တကယ်အားဖြင့် လားလားမျှ မတူတန်မှန်း သူသိလာခဲ့ပြီ။

 

 

ကလေးငယ်တစ်ယောက်၏ အပြစ်ကင်းမှုမျိုး၊ ဘာသာရေးကိုင်းရှိုင်းသူတစ်ယောက်၏ ယုံကြည်မှုမျိုး၊ လေ့လာဆန်းစစ်သူတစ်ယောက်၏ အတွေးအခေါ်မျိုးသည် ညတံခါးပေါက်မှတစ်ဆင့် သူ့နှလုံးသားအသိုက်အမြုံသို့ ချဉ်းနင်းဝင်ရောက်လာတတ်သည်မှာ အိမ်ဦးနှင့်ကြမ်းပြင်ပမာ တပြေးတည်းဖြစ်နေချေပြီ။ ထိုဧည့်သည့်လာလည်သော အခိုက်အတန့်တိုင်းသည် သူ့တကိုယ်စာ ဧည့်ခန်းနံရံတွင် သူ့ကိုယ်သူလိပ်ပြာသန့်မှု၊ ယုံကြည်မှု၊ လေးစားမှု ဆိုသော မှတ်ကျောက်ကို ချိတ်ဆွဲဂုဏ်ယူ နိုင်သည့် သီးသန့်ဆန်ဆန်အချိန်များဖြစ်လေ၏ ။

 

 

ထိုဧည့်သည်သည် သူ၏ကောင်းကင်ကင်းဗတ်စပေါ်မှ အရေးကြီးဆုံး ပုဂ္ဂိုလ်တစ်ဦးလည်းဖြစ်၏။

သူပျောက်ဆုံးနေသော အစိမ်းရောင်စုတ်တံတစ်ချောင်းကို ပြန်ရှာတွေ့သောနေ့တွင် ကင်းဗတ်စပေါ်ရေးရမည့် ပုံတစ်ခုရှိပါသေးသည်။ ကင်းဗတ်စ၏ အလယ်ဗဟိုတွင် စိမ်းစိုလန်းဆန်းသည့် ရွက်ပျိုတို့ အပြိုင်းအရိုင်း ဝေဆာနေမည့် အရိပ်ရနှစ်ချို့ပင်အိုကြီးတစ်ပင်ကိုဖြင့် မပါမဖြစ် ပါအောင်ထည့်ဆွဲမည်ဟု သူတေးမှတ်ထား၏။ ထိုသစ်ပင်ကြီးအောက်တွင်အေးအေးလူလူထိုင်ရင်း သူချစ်သောကောင်းကင်ကို မျက်ဝန်းကြည်ကြည်လေးများဖြင့် ငုံ့ကြည့်ချင်ပါသေးသည်။

 

 

 

ငြိမ်းငြိမ်းပြည့်

 

စက်တင်ဘာ ၂၆ ၊ မနက် ၀၂း၂၀

၂၀၁၂ ခုနှစ်။

ဗရံတာမှာ ၃ မိနစ်တာ

လက်ချိုးရေတွက်၍ပင်ရသော ကြယ်ပွင့်လေးတစ်ချို့သည် ကျွန်မမော့ငေးနေမိသော ကောင်းကင်ယံတွင် ခရေပန်းပွင့်လေးများနှယ် တွဲလဲချိပ်ဆွဲပွင့်လန်းနေကြ၏။

အဆုပ်လိုက်၊အခိုင်လိုက်မဟုတ်သော်ငြားလည်း မိုးရိပ်ကင်းသော ညတစ်ည၏အလှကို လောက်ငအောင်တော့ဖြင့် သူတို့ပွင့်လန်းတောက်ပနေကြရှာသည်။

ကြည့်ငေးနေဆဲမှာပင် တိမ်မျှင်စပါးပါးတို့က ကြယ်ပွင့်ကလေးများရှိနေသော ကောင်းကင်ပြင်ကျယ်ကြီးအတွက်

နေရာလုသယောင် ဝင်ရောက်လာသည်။

ကျိုးတို့ကျဲတဲနိုင်သော ကြယ်ပွင့်ကလေးတစ်ချို့ခမျာ ပျောက်ကွယ်သွားလိုက်၊ ပြန်ပေါ်လာလိုက် ။

ထိုအခိုက်အတန့်လေးမှာပင် ခပ်သဲ့သဲ့ တိုက်ခပ်လိုက်သည့် လေအနှော့၏ ကူညီမှုဖြင့် တိမ်မျှင်စတို့ ဘေးကပ်ပေးလိုက်ရ၏ ။

ကြယ်ပွင့်တို့နေရာ ရလေပြီ။

ကျွန်မပျော်သည်။

သာယာနေသော ကောင်းကင်သည် ကြယ်တစ်ချို့၏ အလင်းသဲ့သဲ့ဖြင့် တင့်တယ်လေပြီ။ တသုန်သုန်တိုက်ခတ်လာသည့် လေပြေချိုအေးသည်လည်း အေးမြကျီစယ်လေပြီ။

ကောင်းကင်ယံ၏ ဟိုမှာဘက်ခြမ်းထောင့်တွင် လွင့်ဝဲမျောပါနေသော တိမ်မျှင်စတို့သည်လည်း အလိုက်သင့်ချစ်စရာကောင်းနေရှာပြီ။

တိမ်တို့သည် ကြယ်ပွင့်လေးများ၏ပျော်ရွှင်မှုကို ဖုန်းလွှမ်းကြီးစိုးမှု မပြုပါစေနှင့်။                ။

 

စက်တင်ဘာ ၁၆ ၊ ၂၀၁၂

ည ၁၁နာရီ

ဗရံတာမှာ ၃ မိနစ်တာ။

နှင်းခါးရှိုက်သံ

@ ငါ အိပ်မက် မက်တယ်

လကွယ်လေငြိမ်

တိမ်မည်းတွေ နိမ့်နိမ့်မိုးထားတဲ့အချိန်

ရပ်တန့်သလို ၊ ပြေးလွှားသလိုနဲ့ ခြေစလှမ်း

ဗြုန်းခနဲ ကမန်းကတမ်း

အဖြူသားလွှမ်းတဲ့မြင်လွှာအစုံကို သိက္ခာတရားနဲ့စမ်းမိမှ

ဘုရားရေ !!!

နှလုံးသားနီးသူတွေချင်း မျက်မှန်းတမ်းမဝခင်

ငါဟာ အကန်းတစ်ယောက်ဖြစ်သွားပါပေါ့လား ။

 

@ ဟိုနားကလား ၊ ဒီနားလား

ချနင်းတော့မယ့် နောက်ဆုံးမာနရဲ့ အမောတကောတားဆီးသံ

ငါးမြှားချိပ်မြင်ရဲ့နဲ့ အသိခေါက်ခက်၊အဝင်နက်တဲ့ကံ

ဟုတ်ပါရဲ့

ပြန်လမ်းမလှမယ့်လမ်းချောက      ခါးးးးးးးးးးး ………. တယ်

သစ္စာတရား ၊ အတ္တကင်းမှုနဲ့ စံနှုန်းတွေ ဒရွတ်ဆွဲလွင့်ပျယ်

ငါအရှက်ကြီး     ရှက်တယ်

ဘာလဲ ? ဘာဖြစ်လို့လဲ ?

ငါအိပ်မက်     မက်တယ်။

 

 

@ ကျောခြင်းကပ်ထားတဲ့  မျက်နှာ

အမှန်တရားနှစ်ခုအကြောင်း ပထမဆုံးအိမ်စာ

စက္ကန့်တံ တဖျပ်ဖျပ်ရွေ့တိုင်း

အံကြိတ်ရင်း   အားငယ်

ဖွင့်ချမပြရက်တော့တဲ့ ပထမဆုံးမျက်ရည်မျိုးရယ်

လောင်ကျွမ်းပြာကျသွားတဲ့ သိစိတ်တွေရယ်

ဟောဒီ့……စမ်းတဝါးဝါး အိပ်မက်ထဲမှာပဲ

နှလုံးသားနဲ့ နမ်းရှိုက်လိုက်မိတယ် ။                                     ။

 

 

 

ငြိမ်းငြိမ်းပြည့်

နံနက် ၀၂း ၂၀ နာရီ

သြဂုတ် ၂၄ ၊ ၂၀၁၂

 

( အဖြူရောင်အတ္တတွေ ငါ့ဦးနှောက်ထဲကို ပြာလိုဖုံးလွှမ်းလာတဲ့ နေ့ ၊ ည ၊ ဘဝမှာ

ပက်ကြားအက်သွေ့ခြောက်လွန်းတဲ့ အထီးကျန်အိပ်မက်တစ်ခု ငါမက်တယ်။

ငါ အိပ်မက်ဆိုး မက်တယ်။ )

Somebody I met

*Picture from internet

Till now since I was born,so many people passed by. Many people said hi!bye along my life.

Some people walked into my life.Some people run through my life. Some people filled colors my life.

Without expecting,without inviting,without knocking,they penetrated my door and they had their seats in my life-room. They themselves made the roads towards me.

Some of them shared me smiles.Some of them treated me empathy .  Some of them told me true stories.Some of them let me wake up with the feelings like my life is worth to living. Some of them gave me remembrance.Some of them showered me fondest kisses. Some of them made me cool.Some of them gave me the peaceful hugs. Some of them teased me sweet and warm. Some of them embraced me trustworthy.Some of them taught me the colorful knowledge .  Some of them encouraged me confidence . Some of them empowered me success. Some of them hit me surprises.Some of them lifted me high.Some of them offered me a hand. Some of them loved me a heap .

Some of them made me crazy.Some of them pushed me upset. Some of them beat me pressure. Some of them eyed me wrong.Some of them wanted me broken.Some of them fought me enough.Some of them gave me pains. Some of them frowned me queasy . Some of them defamed me with jealousy. Some of them kicked me to failure.

I don’t remember some of them . I don’t forget some of them . I don’t suspect some of them. I don’t trust some of them.

Well,it’s a life we have to face.It’s meaningful but complex. I doubt that it’s useless. I believe that we should ignore some of them.

I recognize some of them for being a long term relationship.But sometimes I don’t feel any serious for losing some of them.Sometimes I can’t help longing for some of them. Sometimes I get so so serious severe wounds for losing someone. I can never forget someone who passed away , who has just a single day/month communication . For my whole life,I shall miss the one who met just a while even though I neglect some of them who have a long time relation .

Nyein Nyein Pyae

March8,2012

I posted this post in here http://nyeinnyeinpyae.blog.com/

အချစ်

နောက်ပြောင်ကျီစယ်တတ်သော နတ်သူငယ်တို့သည် ကျွန်မ၏နိုင်ငံတွင်းသို့ စစ်မက်ကျူးကျော်လာကြကုန်၏။ သိမ်းပိုက်နယ်ချဲ့ခြင်းငှာမဟုတ် ၊ ရယ်မောပျော်ရွှင်ခြင်းငှာမဟုတ် ။ ကျွန်မ မေ့မေ့လျော့လျော့ သော့ခတ်သိမ်းဆည်းထားခဲ့သော အခန်းငယ်အား တံခါးလာခေါက်ရုံသက်သက်သာ ဖြစ်လေသည်။

 

ရိုးစင်းသာယာသော နံနက်ခင်း၏ ကောင်းချီးမဂံလာကဲ့သို့ပင် သူ၏မျက်လုံးကြည်ကြည်လေးများသည် နူးညံ့ကြည်လင်လျက်။ ပျိုမြစ်လတ်ဆတ်သော သစ်ရွက်လေးများ၏ လှုပ်ခတ်သံကဲ့သို့ပင် သူ၏အပြုံးများသည် နုသစ်ဝေဖြာလျက်။ ကျွန်မသည် နွေဦးရွက်ကြွေတို့၏ တည်ငြိမ်ရင့်ကျက်မှုကို ဆင်မြန်းထားသည့် ဗာဒံပင်ရိပ်ကဲ့သို့ပင်

နိုးထလာသည့် နှလုံးအိမ်မှ ခြေသံဖွဖွကို အရှက်သည်းစွာ နားဆင်လျက်။

 

သူဖန်ဆင်းသော ကြယ်တာရာတို့သည် ကျွန်မကိုယ်ပိုင် မီးအိမ်ငယ်လေးနှင့်အတူ လက်တွဲတောက်ပနေကြသည်။သူ၏ စိုက်ခင်းထဲမှ တောင်ပေါ်ထင်းရှူးပင်များသည် ကျွန်မ၏ကမ်းခြေမှ ပင်လယ်ကဗွီးပင်များနှင့် အသွေးတူအမွေးတူစွာဖြင့် မိုးကောင်ကင်အိပ်မက်များကို ဖွေရှာနေကြသည်။

 

ကျွန်မ၏ငှက်ငယ်သည်

သန့်စင်တောက်ပသော သက်တန့်တစ်စင်း၏ကောင်းကင်တွင်

ပန်းများပွင့်သော မြက်တစ်ခင်းနှင့်စီးချင်းထိုးရင်း

ယစ်မူးပျံဝဲနေလေသည်။

 

ငြိမ်းငြိမ်းပြည့်

မေ ၆ ရက် ၊ ၂၀၁၁ ။

 

၂၀၁၁ ခုနှစ်ကရေးထားတာ ပေါတောတောနိုင်တယ်။ ;P

အလွမ်း

 

ဟိုးအဝေးဆီမှ ရစ်သိုင်းအုံ့ဆိုင်းလာသော တိမ်မည်းညိုတို့သည် ကျွန်မ၏ရိုးမကို ရင့်ရော်အိုမင်းစေခဲ့ပြီ။ တလိပ်လိပ်စစ်ရေးဆင်လာသော မိုးရိပ်တို့အောက်မှ ဧရာဝတီ၏ မျက်နှာထားသည် လှိုင်းကြပ်ခွပ်ကလေးများဖြင့် အိနြေ္ဒမရဖြစ်နေ၏။ဟိုမှာဘက်ကမ်းဆီက တမျှော်တခေါ် လယ်ကွင်းစိမ်းများသည်လည်း ရှေ့ပြေးလေနတ်သား၏ ခြေဆော့လက်ဆော့ နိုင်မှုကြောင့် ကမူးရှုးထိုးယိမ်းခါကုန်ကြသည်။အထက်မိုးကောင်းကင်ဆီသို့ လက်ဆန့်တန်း အော်ဟစ်ငံ့လင့်ရင်း ကခုန်နေကြသည် ပျိုမြစ်နုနယ်သော စပါးနှံစိမ်းစိမ်းတို့အပေါ်သို့ ငွေမြှားတံများသည် တဟုန်ထိုးပြေးဝင်ခုန်ဆင်းလာချေပြီ။

 

အမြဲတစေ ပျော်မြူးခဲ့ဖူးသော ခရေနံ့တသင်းသင်း မိုးရေစက်များအောက်တွင် သူ၏ ကြည်ပြာနုရောင် ထီးဂေါက်ကြီးကို မြင်ဖူးခဲ့၏။အတောမသတ်သော မိုးဥတု၏ ငွေလက်တံများအောက်တွင် အရင်အတိုင်းပင် တစ်ခါပြန်လည် အသက်ရှုသွင်းချင်သည်။ ကျွန်မအတွက် ရွှဲရွှဲစိုစေသော တစ်ခါတုန်းက ခေါင်းလောင်းထိုးသံများကို လွမ်းမိ၏။ ရေပြင်တကြော ဗုံးပေါလအော မျောပါနေတတ်သော နီညိုရောင်သပြေသီးမှည့် တို့ကို လှေနံနဘေးလက်ချရင်း ဖမ်းယူစားသုံးချင်သည်။ သူဖတ်ပြဖူးသော စာတစ်အုပ်နှင့် သူခံယူသော ဒဿန အပိုင်းအစများအား မိုးစက်တို့ တွဲလဲခိုသီးထနေသည့် ခရေပင်ကြီးအောက်တွင် တစ်ခါပြန်လည် ရှာဖွေတွေ့ရှိချင်ပါသည်။

 

တစ်ခါတုန်းဆီက သူ၏ဝမ်းနည်းပက်လက် ပေါက္ခရဝဿမိုးရေစက်တို့ကို မိုးယိုပေါက်များ ကျိုးတို့ကျဲတဲရှိသော ခေါင်မိုးတစ်ခု၏အောက်တွင် အငိုတိတ်စေခဲ့ဖူးသည်။စကောလောက်မှ စောက်မနက်သည့် ကျွန်မ၏ပိုင်ဆိုင်မှုများသည် သူ၏ သက်ပြင်းမောတို့ကို ကုစားမပေးနိုင်ခဲ့သည်ကတော့ ဝမ်းနည်းစရာကောင်းလှပါ၏။ ဤသို့ဖြင့်ပင် လေကြီးမိုးကြီးထန်သော တစ်နေ့လည်ခင်း၌ ကောင်းကင်အပြည့်မျှော်လင့်အိပ်မက်တို့ကို ထုတ်ပိုးသယ်ဆောင်ရင်း သူကျောခိုင်းထွက်ခွာသွားခဲ့ပါသည်။သူ၏ရောင်စုံတိမ်တိုက်တို့ အပေါ် နေခြည်ဖြာ၍ လေပြည်လာပါစေသောဝ် ။

 

မိုးတိမ်တို့ ညိုယောင်မြင်လေတိုင်း ၊ ပြိုယောင်ဆင်လေတိုင်း ကျွန်မ၏ ရိုးမကို မြင့်သထက်မြင့်စေချင်ပါသည်။ သူ ပေါက်ရောက်ကျက်စားနေသော တိမ်ညွန့်ဖျားတို့၏ ကန်သင်းရိုးတွင် ကျွန်မ၏ အိပ်မက်ပင်အိုများ အမြစ်တွယ်နေသည်ကို သူမြင်မိလျင် ကောင်းလိမ့်မည်။သူသည် အတိတ်မမေ့တတ်သည်ရှိသော် တက်တက်ကြွကြွ လျှောက်လှမ်းခဲ့ဖူးသော အနောက်ရွှေဂုံတိုင်လမ်းမပေါ်မှ ခြေရာနှစ်စုံကို အဖြူထည်သက်သက် အောက်မေ့ဖြစ်ပါစေသတည်း။

 

 

ငြိမ်းငြိမ်းပြည့်

မေ ၂၃, ၂၀၁၂